Forcat ruse nisën sulme me raketa që vranë “dhjetëra” civilë në qytetin e dytë të Ukrainës dhe filluan një sulm të ripërtërirë në kryeqytetin Kiev, pasi Moska u përball me sanksione dhe izolim të pashembullt perëndimor.
The Guardian shkruan se përdorimi i gjerë i armëve pa dallim, siç janë raketat e shumta kundër zonave civile, siç u përdor të hënën në qytetin e Kharkiv, mund të ndiqet penalisht si krim lufte dhe sugjeroi që Kremlini, pasi nuk arriti të jepte një goditje nokaut në ditët e para të lufta, u përgatit për të lëshuar metoda më të dëshpëruara.
Fotot satelitore treguan kolona të gjata ruse që shkonin drejt Kievit. Kompania e imazheve satelitore Maxar publikoi një foto të një kolone forcash 17 milje (27 km) rreth 30 milje larg kryeqytetit. Brenda Kievit, sirenat e sulmit ajror u dëgjuan kur ra mbrëmja dhe u raportuan disa shpërthime. Shpërthime u dëgjuan edhe në Mariupol në bregun e detit Azov. Megjithatë, forcat ruse nuk kanë marrë ende asnjë qytet të madh ukrainas.
