Armando Broja është kthyer në një nga lojtarët kryesor të Southampton. Sulmuesi i Kombëtares shqiptare ka arritur të shënojë 6 gola në Premier League dhe dy në Kupë, ndërsa ka bërë që shumë klube të mëdha të kthejnë sytë nga ai.
Në fund të sezonit, bomberi kuqezi do të rikthehet të skuadra e tij, Chelsea pasi për momentin është i huazuar te Southampton dhe do të jetë trajneri Tuchel që do të vendos nëse e dëshiron apo jo në skuadër. Në një intervistë të dhënë së fundmi, Broja ka rrëfyer aventurën e tij te Southampton, arsyet se përse zgjodhi këtë skuadër si dhe të ardhmen e tij.
“Është çmenduri si kanë kaluar këto gjashtë muaj te Southampton, koha ka fluturuar. Jam shumë i lumtur me mënyrën si kanë rrjedhur situatat, erdha si një djalosh i ri por çdo ditë jam duke mësuar, duke përparuar dhe po filloj të shndërrohem në një burrë. Kjo është falë Southampton të cilët më kanë ndihmuar shumë në rrugëtimin tim dhe shpresoj që në ndeshjet e ardhshme të bëj edhe më mirë.
Ndeshja ime e parë në Premier League ishte “Ëoë”, shumë fëmijë e ëndërrojnë këtë. Në stadiumin St.Mary publiku ishte shumë i dashur, ishte një atmosferë surreale por u mundova të qëndroja i fokusuar te fusha.
Thjesht të jem këtu është një nder, të luash në Premier League. Southampton është një klub që njihet për promovimin e futbollistëve, këtu kanë luajtur Van Dijk, Mane, Hojbjerg. Është një klub shumë i mirë për t’u zhvilluar si lojtar dhe është një ambient shumë familjar. Ndihesh si në shtëpi, i sigurt dhe ku mund të shprehësh lehtësisht cilësitë.
Unë e dija se këtu do të gjeja ambientin ideal për veten, ndaj nuk pata dyshime kur zgjodha Southampton. Sa i përket të ardhmes, nuk dua të mendoj për shumë larg sepse kjo mund të të shkatërrojë mentalitetin dhe mendjen”, u shpreh Broja.
