Imazhet satelitore të marra të Dielën treguan një dislokim të madh të forcave tokësore ruse duke përfshirë tanke që lëviznin në drejtim të kryeqytetit ukrainas Kiev, tha një kompani private amerikane.
Imazhet e lëshuara nga Maxar Technologies Inc (MAXR.N) treguan një dislokim të përbërë nga qindra automjete ushtarake dhe që shtriheshin më shumë se 5 km, njoftoi Maxar.
Transportueset ndodheshin në verilindje të qytetit ukrainas të Ivankiv dhe përmbanin karburant, logjistikë dhe automjete të blinduara, duke përfshirë tanke, automjete luftarake të këmbësorisë dhe artileri vetëlëvizëse.
Imazhet satelitore treguan gjithashtu dëme të shkaktuara nga sulmet e fundit ajrore në aeroportin Antonov në Hostomel, dhe luftime të rënda brenda dhe afër aeroportit, raportoi Maxar.
Maxar ka gjurmuar ngritjen e forcave ruse për javë të tëra. Imazhet e tij nuk mund të verifikoheshin në mënyrë të pavarur, shkruan “Reuters”, që ka raportuar lajmin.
