Roman Abramovich ka vendosur të heqë dorë nga Chelsea, pas pushtimit të Ukrainës nga ana e Rusisë.
Pronari rus tregoi vendimin e tij në një komunikatë të publikuar nga klubi, në një periudhë ku e ardhmja e tij është vënë në dyshim pas zërave të vazhdueshëm për sanksione ndaj miliarderit rus pas shpërthimit të luftës mes Rusisë dhe Ukrainës.
“Gjatë pothuajse 20 viteve të mia si pronar i Chelsea-t, unë e kam parë gjithmonë rolin tim si atë të një kujdestari të klubit, puna e të cilit është të sigurojë që ne jemi sa më të suksesshëm të jetë e mundur, duke patur gjithashtu një rol pozitiv në komunitet”, lexohet në mesazhin e Abramovich.
“Të gjitha vendimet që i kam marrë kanë qenë në të mirën e klubit. Unë mbetet i përkushtuar ndaj këtyre vlerave. Për këtë arsye kam vendosur që të heq dorë nga Chelsea dhe t’ia besoj atë drejtuesve të Fondacionit të bamirësisë së klubit. Besoj se ata janë në pozicionin më të mirë për t’u kujdesur për interesat e klubit, lojtarëve, stafit dhe tifozëve”.
Statement from Club Owner Roman Abramovich.
— Chelsea FC (@ChelseaFC) February 26, 2022
