Paris Saint-Germain është kthyer në fushë për javën e 26-të të Ligue 1. Skuadra e Pochettino-s pret në shtëpi Saint Etienne me synimin për të reaguar pas humbjes befasuese 3-1 të pësuar javën e kaluar në fushën e Nantes.
Sfida që po luhet në Parkun e Princave nuk ka nisur mirë për Messi-n me shokë. Miqtë, në fakt, kanë kaluar në avantazh në minutën e 16-të me Bouanga, i cili ka përfituar nga një gafë e Danilo-s dhe ka mposhtur me lehtësi Donnarumma-n.
Denis Bouanga ka shënuar gol në të 3 ndeshjet e fundit të luajtura në kampionatin francez kundër PSG-së.
Kundërpërgjigja e vendasve ka ardhur në minutën e 42-të. Kylian Mbappe ka barazuar ndeshjen pas një asisti të pabesueshëm të Lionel Messi-t.
Ndërkohë me fillimin e pjesës së dytë, gjigandët francezë përmbysin rezultatin dhe protagonist janë sërish dyshja Mbappe-Messi. Sulmuesi francez realizon golin e dytë personal edhe këtë herë i asisituar nga Messi.
