Një aksident është regjistruar ditën e sotme në Fier, në vendin e quajtur Kafaraj ku si pasojë një person ka vdekur dhe një tjetër ka mbetur i plagosur.
Boldnews mëson se viktimë ka mbetur shtetasi Qerim Troka.
Viktima ka qenë duke ecur anës rrugës kur është përplasur nga një motor, i cili mësohet të ketë qënë me shpejtësi të lartë.
Mësohet gjithashtu se është plagosur drejtuesi i motorit dhe është dërguar me urgjencë për në spitalin e Fierit.
Ndërkohë dhjetëra banorë janë mbledhur në rrugë, ndërsa policia po merret me hetimin e ngjarjes si dhe me qarkullimin e mjeteve në rrugë.
