Jo vetëm Fieri, por edhe Elbasani, një tjetër qytet që konsiderohet problematik në aspektin e sigurisë dhe rendit, është blinduar nga forcat speciale të policisë, që kanë ngritur postoblloqe në pikat hyrëse dhe dalëse të qytetit.
Nga raportimet mësohet se policia lokale është mbështetur nga FNSH dhe FLO, të cilët kanë ngritur disa postblloqe.
Objektivi kryesor i këtij operacioni mësohet se është kontrolli i makinave luksoze, kapja e personave të shpallur në kërkim dhe persona të skeduar më parë nga policia.
Sipas burimeve ky operacion ka nisur që mbrëmjen e djeshme, ku janë kontrolluar dhe shoqëruar disa persona në disa ambiente, të cilët policia dyshon që luhen lojëra fati.
Aktualisht ne Elbasan janë stacionuar dy grupe FNSH, ku një grup do të qëndroj në postbllok dhe grupi tjetër do të patrullojë në qytet i shoqëruar nga “Shqiponjat”.
Postblloqet e ngritura ndodhen në Bradashesh dhe tek kthesa e quajtur “Kadiu”.
