Trajnerin e Vllaznisë, Thomas Brdariç, nuk e kanë mbajtur dot nervat në pjesën e dytë të ndeshjes së skuadrës së tij kundër Skënderbeut.
Tekniku i shkodranëve, i dënuar me një ndeshje pezullim, ka ndjekur sfidën nga tribuna e stadiumit të qytetit të Korçës, por nuk është përmbajtur në protestat kundër gjyqtarit Laver Alla.
Pasi pa skuadrën e tij të mbetej me 10 lojtarë, për karotinën e kuq të Zogoviç, Brdariç kontestoi ashpërsisht gjyqtarin në vendimet e tij të dyshimta në vijim.
Në një moment, siç shihet ne videon e siguruar nga “Panorama Sporti”, ai u ngrit në këmbë duke bërë me gjeste e lëshuar sharje të njëpasnjëshme në anglisht “Fuck you, fuck you”, drejtuar gjyqtarit kryesor të sfidës./Panoramasport
