Trupat ruse të armatosura rëndë po futen me shpejtësi drejt Kryeqytetit të Ukrainës, Kiev dhe zyrtarët amerikanë po paralajmërojnë se qyteti mund të bjerë brenda disa ditësh.
Aftësitë ushtarake të këtyre dy kombeve janë aq të çekuilibruara sa presidenti i Ukrainës Volodymyr Zelensky iu lut aleatëve të tij perëndimorë që të bëjnë më shumë sesa të vendosin sanksione për të larguar trupat ruse nga toka ukrainase.
Po si janë fuqitë e Ukrainës në krahasim me atë të Rusisë?
Shpenzimet e mbrojtjes
Vetëm një vështrim në sasinë e parave që dy kombet shpenzojnë për mbrojtjen jep një tregues të hendekut midis të dyja vendeve. Ukraina shpenzoi 4.7 miliardë dollarë në vitin 2021, pak më shumë se një e dhjeta e 45.8 miliardë dollarëve të Rusisë e cila bleu armë bërthamore, sipas raportit “The Military Balance” nga Instituti Ndërkombëtar për Studime Strategjike (IISS), i botuar javën e kaluar.
Ndërsa qeveria ruse nisi një përpjekje në vitin 2008 për të modernizuar ushtrinë e saj, pasi pa se kishte mungesë të pajisjeve ushtarake gjatë një lufte të shkurtër me Gjeorgjinë.
Armët e Ukrainës janë ende kryesisht nga epoka sovjetike, pasi pretendonte se do futej në NATO. Ukraina ka riorganizuar strukturën e forcave të saj të armatosura dhe kishte plane për të ripajisur forcën e saj ajrore me avionë luftarakë perëndimor deri në mesin e viteve 2030.
Fuqi punëtore
Rusia ka 900,000 personel aktiv në forcat e saj të armatosura, dhe 2 milionë rezervë, ndërsa Ukraina ka 196,000 ushtarë dhe 900,000 i ka rezervë.
Vetëm në forcat tokësore, Rusia ka një avantazh të dyfishtë, me 280,000 trupa ndaj 125,600 të Ukrainës. Dhe forca e saj ajrore është gati pesë herë më e fortë, se ajo e Ukrainës.
Yohann Michel, një analist hulumtues që punoi në raportin e IISS, tha se Rusia kishte rreth 200,000 personel në Ukrainë.
“Fuqia ushtarake që ka Rusia është një nga më të mëdhatë që ka Evropa Lindore, ndërsa Ukraina të gjithë forcën ushtarake e ka vënë në dispozicion e madje ka aktivizuar dhe ato që kishte rezervë.”- tha ai.
