Kandidati i PD për Bashkinë e Lushnjes, Indrit Sefa, u shpreh sot gjatë një takimi elektoral ku ishte i pranishëm edhe Lulzim Basha, tha se me 6 mars qytetarët lushnjarë do të zgjedhin ndryshimin.
Ai tha se deri më tani ky qytet ka vuajtur nga krimi, korrupsioni dhe bandat, ndërsa tha se me 6 mars lushnjarët do të tregojnë me votat e tyre se nuk mund të bashkëjetojnë me varfërinë, mashtrimet, krimin, korrupsionin.
“Lushnja prej 15 vitesh drejtohet nga socialistët, por ky qytet nuk ka rrugë jo në fshat, por në qytet”, tha Sefa.
Sipas tij, bilanci i vetëm që kryebashkiakët socialistë që qeverisin Lushnjen prej 15 vitesh, kanë treguar arrogancë dhe korrupsion, ndërsa qyteti është trajtuar si bashki e dorës së dytë.
Ai tha se kishte kërkuar debat publik me dy kandidatët, por ato kanë heshtur, sepse mendojnë se i kanë lushnjarët në xhep.
“Por ai që nuk jep llogari para qytetarëve, nuk e përdor Bashkinë për ju, por për partinë e tij”, tha Sefa. Ai tha se në 1 vit nuk premtohen gjëra të mëdha, por do e çlirojmë Bashkinë nga krimi dhe korrupsioni. Ai tha se në 6 mars janë dy alternativa, njëra e korruptuara dhe tjetra nj ekip i ri në drejtimin e Bashkisë së Lushnjes.
“Unë kam bindjen që lushnjarët me 6 mars do të votojnë ndryshimin, do të votojnë ekipin e ri, do votoni nr 2, kandidatin e Partisë Demokratike. Ndaj ju kërkoj që të dilni masivisht në votime, pasi me 6 mars votat tuaja nuk janë për partinë, por janë për ju, për një ekip të ri që do ju mbështesë në zgjidhjen e halleve dhe problemeve”, tha Sefa.
