Ish-kryeministri Sali Berisha dhe kandidati për koalicionin “Shtëpia e Lirisë” për bashkinë Dibër, Premtim Kryemadhi zhvilluan sot një takim me banorët e Fushë-Alies.
Duke vlerësuar vlerat dhe traditat e trevës së Fushë-Alies, Berisha iu drejtuar demokratëve për të votuar për kandidatin e “Shtëpisë së Lirisë”.
“Ju nuk përjetuat vetëm gjenocidin serb, por dhe gjenocidin komunist. Një barbari e falangave komuniste të Enver Hoxhë dhe Haxhi Lleshit që u vërsulen ju. Persekutuan dhe ekzekutuan burra dhe gra të kësaj zonë. Kështu që këtu çdo njëri që vjen përulet me respektin më të madh ndaj jush, historisë suaj, dhe frymëzohet për të qëndruar i fuqishëm në mbrojtje të së vërtetave. Jam këtu për të vlerësuar ju për kontributin që i keni dhënë PD-së, por dhje për të kërkuar të mbështesni Premtim Kryemadhin se pse votë tuaj do ta kthej në shërbimin tuaj”, tha ai.
Berisha theksoi se “Dibra në këto 8 vite Dibra është përçmuar nga qeveria e Edi Ramës. Ajo ka ndërruar 5 kryetar bashkie sepse ata nuk meritojnë të qeverisin Dibrën. Sot ata e qeverisin Dibrën nga Tirana, por Dibra ka mend me qeveris edhe Tiranën”.
Kandidati, Premtim Kryemadhi u shpreh se dola si kandidat nga një proces i pastër i foltores dhe demokratët e gjithë Dibrës dhe ndihem krenar.
“Në në këto vite në bashkinë Dibër nuk jemi qeverisur, sepse në 7 vite kemi ndërruar 5 kryetar bashkie sepse vijë nga kandidat nga Tirana dhe kjo tashmë është bërë e natyrshme edhe për institucione të tjera, thua se Dibra nuk ka njerëz në Dibër. Kjo është një arrogancë për Dibrën dhe do ia tregojnë dibranë me 6 mars. Kemi kryetar bashkie që shkojnë dhe vijnë kemi dhe deputetë të majtë dhe të djathtë që nuk trajtojnë problemet e Dibrës dhe nuk e përmendin Skavicën”, tha ai.
Kryemadhi shtoi se, ky mandat i shkurtër do më jap mundësinë që të zbardhë gjithë veprimtarinë e administratës së bashkisë dhe të drejtueseve sepse e kanë renditur në bashkinë me borxhin më të madh publik. Ka persona përgjegjësi dhe duhet të përgjigjen para drejtësisë. Ky mandat është i mjaftueshëm për të ndërtuar një administratë profesionale.
