“Mirel Mërtiri ka darkuar me Edi Ramën në kryeministri”. Deklarata u bë këtë të Enjte nga Lulzim Basha, në një prononcim për gazetarët jashtë ambienteve të parlamentit.
Basha tha se “Mirel Mërtiri ka qenë anëtar i bandës së Aldo Bares”.
Ai shtoi se Edi Rama ka gënjyer me deklaratat e tij publike se nuk e njeh Mirel Mëririn, i cilësuar si biznesmeni në hije i inceneratorëve.
“(Rama) Ai që thoshte ‘se kam takuar’ ka darkuar me të kryeministri. E ka shpallur gjeni. Dhe sot i jep imunitet. Sot njerëzit më të afërt të tij janë në arrati”, tha Basha.
“Rama e di fare mirë se nëse drejtësia e merr këtë punën kolase të komisionit (komisionet hetimor për inceneratorët) dhe e kthen në një punë shembullore penale, kjo do të shembë kullën e korrupsionit shqiptar”, shtoi ai.
