Gent Sejko, i cili është dekretuar nga Presidenti Ilir Meta për tu rizgjedhur si Guvernator i Bankës së Shqipërisë ka dëshmuar ditën e sotme në Komisionin e Ekonomisë, ku tha se institucioni që drejton u përball me sfida të mëdha gjatë periudhës së pandemisë.
“Ekonomia u përball me pasojat e krizës globale. Sektori bankar mori me vete një pjesë të faturës së madhe të pandemisë. Paralelisht Bsh ka punuar dhe arritur disa suksese të prekshme edhe në fusha të tjera. Sistemi i pagesave po operon me një kuadër të plotë në përputhje me standardet e BE. Dua të vedoj ligjin e ri të pagesave. Në muajin janar BSH vuri në punë infrastrukturën e plotë për shlyerjen në euro të pagesave brenda vendit. Administrimin e madhes kombëtare ku BSH ka siguruar furnizimin e tregut. Ne kemi rifreskuar të gjithë serinë e kartëmonedhave ekzistuese. Seria është plotësuar edhe me kartëmonedhën e re 10 mijë lekë”, tha ai.
Sejko parashtroi përpara anëtarëve të komisionit pesë objektivat e tij në mandatin e dytë si guvernator. Ai vuri theksin te stabiliteti i çmimeve si dhe formalizimi i ekonomisë.
“BSH ka ende shumë punë për të bërë. Prioritet: i pari ka të bëjë me politikën monetare dhe stabilitetin e çmimeve. Jam kujdesur që sasia dhe kostoja, e para në ekonomi të mundësojë stabilitetin çmimeve. Sfida kryesore do të jetë adresimi i presioneve inflacioniste. Stabiliteti i çmimeve është një objektiv i panegociueshëm. Do të kërkojë hartimin e në politike.
E dyta ka të bëjë me mbikëqyrjen dhe rregullimin bankar. Krijimi i të gjithë premisave për nxitjen e kreditit të shëndetshëm. Procesi i kreditimit duhet të respektojë gjithnjë parametrat për ruajtjen e shëndetit të bankave.
Nxitja e formalizimit. Shkalla e lartë e informalitetit sjell pasoja serioze negative. Për këtë arsye BSH duhet të punojë për rritjen e formalizimit të ekonomisë.
Mbështetja e integrimit evropian. Detyra jonë është të procedojmë pa asnjë vonesë dhe hezitim në këtë kontekst. BSH duhet të ofrojë shembullin e mirë. Banka duhet të mbetet një institucion i hapur dhe transparent. E pesta, BSH duhet të rrisë prezencat e saj në tryeza e bashkëpunimit”, deklaroi Sejko.
