Ndërsa kishte njoftuar se këtë të martë do të jepte vendimin lidhur me shkakrimin ose jo nga sistemi i drejtësisë të gjyqtarit Kastriot Gramshi, KPK merr një tjetër vendim, të rihap hetim hetimin administrativ për kriterin e pasurisë. Njoftimin e jep vet KPK në faqen e saj zyrtare, ku thotë se gjyqtari i Tiranës Kastriot Gramshi do të rihetohet për kriterin e pasurisë.
Kjo pasi sipas të dhënave të dala nga seancat e fundit ndaj tij, ka pasur problematika të theksuara në deklarimin e pasurisë.
Në seancan e fundit Komisioni i Pavarur i Kualifikimit nuk i ka konsideruar në analizë të ardhurat nga aktiviteti tregtar i babait të subjektit në vitet 1992-1999, kur gjyqtari Kastriot Gramshi ishte student, si dhe ato nga puna e tij dhe e familjarëve në SHBA, kur ai nuk e gëzonte statusin e magjistratit.
Gjyqtari i Tiranës, Kastriot Gramshi u përball më 15 shkurt me Komisionin e Pavarur të Kualifikimit, KPK, kur gjatë seancës dëgjimore dha shpjegime më së shumti për balancat negative të konstatuara në krijimin e pasurive si pasojë e moskonsiderimit të të ardhurave nga aktiviteti tregtar i babait para fillimit të detyrës, si dhe për të ardhura nga puna e tij dhe e familjarëve në Shtetet e Bashkuara të Amerikës, SHBA, ku ka jetuar për më shumë se një dekadë si azilant duke përfituar dhe nënshtetësinë.
Gramshi u vlerësua pozitivisht për figurën, ndërsa për disa gjetje për profesionalizmin lidhur me tejkalim të afateve të gjykimit argumentoi se gjithçka kishte ndodhur për shkaqe objektive të pashmangshme dhe dorëzoi si prova dosjet e çështjeve në fjalë.
Procesi i vetingut për gjyqtarin Gramshi po kryhet nga trupa e KPK-së e kryesuar nga Brunilda Bekteshi, me relatore Firdes Shulin dhe anëtare Suela Zhegun. Në cilësinë e vëzhguesit ndërkombëtar ishte e pranishme Elka Ermenkova.
Kastriot Gramshi e ka filluar karrierën si gjyqtar në vitin 1999 në Shkodër dhe në vitin 2004 është liruar nga detyra me kërkesën e tij. Ai ka punuar si pedagog i së drejtës penale në SHBA përpara se të kthehej në Shqipëri dhe të riniste karrierën si gjyqtar në vitin 2014. Gramshi punon prej 7 vitesh pranë Gjykatës së Rrethit Tiranë.
Komisioni konstaton pamundësi financiare për dy apartamente ku gjyqtari Gramshi është bashkëpronar me pjesë takuese 50% – një të blerë së bashku me të vëllanë në vitin 2012 në Neë York në SHBA kundrejt vlerës 290 mijë USD dhe tjetrin në Tiranë në vitin 2016 në bashkëpronësi me babanë në shumën 48 mijë USD.
Si burime krijimi për këto pasuri subjekti ka deklaruar të ardhurat nga aktiviteti tregtar i babait në periudhën 1992-1999 përpara se të fillonte punë si gjyqtar dhe të ardhura nga puna në SHBA dhe kredi të marrë atje para riemërimit në Tiranë në 2014-ën.
