Një pallat 7-katësh në Sarandë është vënën nën sekuestro preventive, ndërsa është shpallur në kërkim policor një ndërtues për veprën penale “Ndërtimi i paligjshëm”.
Po ashtu, është arrestuar shefja e IMT Sarandë Romina Pulaj për “Shpërdorim i detyrës”.
Operacioni policor u krye nga policia dhe prokuroria e Sarandës.
“Shërbimet e Komisariatit të Policisë Sarandë, në bashkëpunim me Drejtorinë Vendore të Policisë Vlorë, nën drejtimin e Prokurorisë pranë Gjykatës së Shkallës së Parë Sarandë, pas një pune hetimore 3-mujore, kanë bërë të mundur dokumentimin e plotë ligjor të aktivitetit të kundërligjshëm në fushën e ndërtimeve në qytetin e Sarandës dhe kanë finalizuar me sukses operacionin policor të koduar ‘HESHTJA’”, njoftoi policia.
Në pranga u vu Romina Pulaj, 31 vjeçe, me detyrë kryeinspektore e Inspektoriatit Vendor të Mbrojtjes së Territorit pranë Bashkisë Sarandë.
Në kërkim u shpall shtetasi P.P., 66 vjeç, pasi ka ndërtuar në mënyrë të paligjshme një pallat 7-katesh (në ndërtim e sipër), në lagjen nr.1, në qytetin e Sarandës.
