Prej orëve të para të mëngjesit të sotëm ka nisur aksioni i radhës për shembjen e banesave në zonën e 5 Majit në Tiranë.
Nga raportimet mësohet se ka pasur përplasje mes banorëve të zonës, që kundërshtojnë shembjen e banesave, pa pasur më parë një kontratë të rregullt mbi kompensimin e tyre.
Banorët kërkojnë marrëveshje me qeverinë për banesat e reja dhe dëmshpërblimin në proporcion të drejtë me pronat që kishin.
Përplasja e parë ka ndodhur me banorëve dhe punonjësve të OSHEE që kanë shkuar të stakojnë energjinë elektrike. Kjo ka sjellë reagimin e banorëve që kanë hedhur gurë dhe sende të forta në makinën e OSHEE.
Nga ana tjetër banorët kanë krijuar një mur, përballë punonjësve të policisë, në krye të të cilit qëndrojnë gratë.
Disa nga banesat që parashikohet që të shemben janë:
Arben Deda shtepi+ toke te legalizuar
Geg Nikolli shtepi + toke te legalizuar
Simon Nikolli shtepi+ toke te legalizuar
Eduart Nikolli shtepi + toke te legalizuar
Fehmi Suti vetem shtepine e legalizuar
Preng Kodra vetem shtepine e legalizuar
Gjin Nikolli shtepine e legalizuar, token jo
Vlash Marku ne proces legalizimi
Bekim Cerri proces legalizimi
Laureta Nikolli ndertim pa leje
Genc Gjini ne proces legalizimi
