Ministria e Shëndetësisë në Kosovë njoftoi këtë të Hënë se është regjistruar një viktimë dhe 101 raste të reja me koronavirus, nga 1,595 testime.
Autoritetet shëndetësore kanë njoftuar edhe se 758 persona janë shëruar, ndërsa 3,883 janë ende aktivë me koronavirus.
Kosova ka nisur fushatën e vaksinimit kundër koronavirusit në mars të vitit të kaluar.
Prej atëherë, janë dhënë mbi 1.8 milion doza të vaksinës.
Deri më tani, me dy doza të vaksinës janë imunizuar 813,185 persona ose 45 për qind e popullsisë.
