“Dosja e Lulzim Bashës në SHBA nuk mbyllet nga autoritetet amerikane”, kështu u shpreh lideri historik i PD, Sali Berisha në Çim Peka Live.
Berisha tha se Basha mund të jetë pajisur me vizë amerikane pas marrëveshjes me Yuri Kim, por atje e pret dosja e Nik Muzin, ku akuzohet për pastrim parash.
“Ajo që më është thënë nga njerëz që dinë më shumë se unë për këto çështje, ai dosjen Muzin nuk e mbyll dot. Megjithatë, një marrëveshje është firmosur. Se cila është fuqia e marrëveshjes mbi agjencitë e tjera, këtë nuk jam në gjendje ta them. Di që dosja Muzin nuk mbyllet nga autoritetet kompetente. Ka një problem sicc ma kanë shpjeguar, nuk është çështja e vizës, por të pret dosja. Ju e dini që ky u nis, njoftoi dhe dolën miq të mi për ta pritur dhe ju tha kjo gjë: Ti mund të shkosh, por ke punë me FBI. Më është thënë se ajo është e hapur. Ka një marrëveshje, se cili është efekti i marrëveshjes së firmosur me zonjën Kim, nuk mund ta them”, u shpreh Berisha.
Çim Peka: Ju vazhdoni të ngulni këmbë që vizën e ka siguruar pasi përjashtoi ju?
Sali Berisha: Viza është pjesë e marrëveshjes. Ky ishte një raport i huaj i dorëzuar te një gazetar shumë serioz. Është publikuar në të gjitha mediat shqiptare.
