Barcelona është rikthyer e “frikshme” në kampionatin spanjoll. Skuadra e drejtuar nga Xavi Hernandez ka fituar në transfertë me goleadë 1-4 ndaj Valencias duke marrë kështu një 3 pikësh të rëndësishëm për zonën Champions.
Katalanasit e nisën mirë ndeshjen pasi dopieta e Aubameyang dhe De Jong vulosën pjesën e parë. Në fraksionin e dytë, Valencia rihapi ndeshjen me Soler, por pak minuta më vonë, Pedri shënoi edhe golin e 4-të duke vulosur përfundimisht sfidën në 1-4.
Pas kësaj fitore, Barça hedh një hap të rëndësishëm për zonën Champions pasi renditet në vendin e 4-të me 42 pikë, aq sa Atletiko Madrid i vendit të 5, por katalanasit kanë një ndeshje më pak.
