Dinamo mori një tjetër humbje, kësaj here përballë Teutës me rezultatin 0-1, brenda në “Elbasan Arena”. Tekniku i bluve, Bledar Devolli, në një intervistë për “Super Sport”, nuk e fshehu dot zhgënjimin.
E para kjo është humbja që nuk ndihem keq. Jam krenar për këta djem. Kemi shkelur kundërshtarin në çdo drejtim. 16 korne, 11 gjuajtje në kuadrat dhe për këtë s’kam çfarë i them çunave.
Çështja e golit? – E rëndësishme është që krijojmë. Do vij dhe goli. Vetëm të kemi shkelur ndonjë gjë të keqe, të kemi qimen e derrit.
Përbërja e Dinamos? – Po të mos ishte ky grup lojtarësh nuk e merrja këtë punë. Kur i bëjmë ndërrimet, pres ta ngremë volumin e lojës apo të krijojmë akoma më shumë raste.
Të dominosh dhe të mos fitosh? – Do punojmë në stërvitje. Këtë punë kam unë, nuk mërzitem me këtë punë. Nuk i kritikoj kurrë lojtarët e mi për këto raste. Këto do të kthehen në gola më vonë.
Ju ka ndodhur herë tjetër kjo? – Ne zakonisht mbajnë mend ndeshjet që fitojmë, mua nuk më pëlqen të humbas.
