Administratori i inceneratorit të Fierit, Loran Dusha, ka punuar për kompaninë private të Arben Ahmetaj. Dusha dha dëshminë e tij në Komisionin Hetimor parlamentar për Inceneratorët, ku dy ditë më parë mohoi qv të kishte punuar në kompaninë e Klodian Zotos dhe atë të Arben Ahmetajt, vite më parë.
Por sipas një video të publikuar nga PD, në rrjetin social, rezulton se administratori i kompanisë së Inceneratorit të Fierit ka qenë punonjës dhe përfaqësues ligjor i Kompanisë “Hermes Communication”, në pronësi të z. Arben Ahmetaj.
“Në Komisionin hetimor të inceneratorëve u zbulua se si skema e pastrimit të parave është zbatuar nga 10 persona që kanë qenë bashkëpunëtorë të hershëm me njeri-tjetrin dhe me zv/kryeministrin Arben Ahmetaj.
Kompania e inceneratorëve në kohën e pandemisë ka përfituar edhe 69 mln lekë nga fondi i garancisë sovrane për të paguar paga mijëra euro.
Klodian Zoto pagoi veten me dy kompanitë e tij 23 milionë Euro për punë që nuk janë kryer.
Inceneratori ka marrë 20 milionë euro paradhënie deri në vitin 2019 kur nuk ka punuar.
Asnjë nga këto nuk do të ishte bërë pa mbështetjen e Edi Ramës”, thuhet njoftimin e publikuar në faqen zyrtare të PD në rrjetin social.
Për të parë videon klikoni KETU
