Milan ka marrë një barazim zhgënjyes 2-2 në fushën e Saernitana-s, në javën e 26-të të Serisë A. Një nga arsyet e këtij rezultati ka qenë edhe portier Maignan.
I vlerësuar shumë për pritjet e tij nga momenti që mori vendin e Donnarumma-s te kuqezinjtë, francezi ka luajtur sot ndeshjen e tij më të keqe me skuadrën milaneze.
Në pjesën e parë ka bërë një dalje të gabuar nga porta që ka çuar te goli i barazimit i Salernitana-s dhe në të dytën , para se vendasit të shënonin golin e dytë, ka bërë një gafë të dytë akoma më të keqe se e para.
Numri 16 i kuqezinjve e ka mbajtur topin më shumë se duhet në zonën e rreptësisë dhe nga kjo situatë ka përfituar Bonazzoli, i cili ia ka vjedhur me lehtësi sferën dhe ka goditur menjëherë drejt portës, por goli i është mohuar nga një ndërhyrje shpëtimtare e Romagnoli-t.
Një episod ky që po bën xhiron e rrjeteve sociale.
