Një çift ka humbur jetën në Borsh këtë të Shtunë pasi banesa e tyre u përfshi nga flakët.
Policia njoftoi se, rreth orës 09:45, në fshatin Borsh, Himarë, ka rënë zjarr në banesën e shtetasit Rrapo Çika, ku si pasojë kanë ndërruar jetë Rrapo Çika, 83 vjeç dhe bashkeshortja e tij, Savoja Çika, 71 vjeçe.
Sipas bluve, dyshohet se shkak i zjarrit ka qenë një shkëndijë elektrike.
“Në vendngjarje ndodhen forcat zjarrfikëse të cilat po punojnë për fikjen e zjarrit, ndërsa vijon puna nga grupi hetimor për zbardhjen e rrethanave të ngjarjes”, shtuan të njëjtat burime.
