Nje superduel për mesin e tabelës u luajt në Kategorinë Superiore. Partizani dhe Vllaznia dhuruan emocione të forta që nisën menjëherë sapo startoi ndeshja ku shkodranët marrin një penallti dhe Latifi e gabon.
Por VAR njofton se portieri Hoxha ka levizur përpara kohe duke bërë që Latifi ta përsërisë dhe të shënojë herën e dytë.
Pas golit të miqve Partizani nis sulmet dhe Skuka i afrohet shumë barazimit në 27’ teksa Kallaku dy herë të tjera më vonë shpërdoron.
Kur po mbyllej pjesa e parë, Vllaznia mbetet me 10 lojtarë pasi Hakaj godet Markun në përplasje e sipër.
Partizani me një lojtar më shumë hidhet përpara dhe falë insistimeve të shumta në 64’ ishte Tedi Cara që vendos barazpeshën. Minutat në vijim flasin sërish per të kuqtë që në shtesë godasin edhe traverësn dhe janë të pafatë për të përmbysur takimin që mbyllet kështu 1-1 dhe jo pa polemika për vendimet arbitrale.
