Bashkim Osmani, bosi i dyshuar i bandës mafioze të drogës që u shkatërrua nga operacioni masiv i Europol më 15 shkurt, pritet të ekstradohet në Spanjë.
55-vjeçari do të dërgohet nga Kroacia, vendi ku u arrestua drejt Majorkës javën e ardhshme, shkruajnë mediet e huaja.
Osmani u arrestua në hotelin e tij BO Palazzo në Porec në kuadër të operacionit policor, i cili u krye njëkohësisht në vende të ndryshme.
Shqiptari nga Kosova 55-vjeç, baza e të cilit është rezidenca e tij prej pesë milionë eurosh në Camp de Mar në një nga zonat më ekskluzive të Andratx, ishte në hotelin e tij në veri të Kroacisë.
Hetuesit nga Guardia Civil dhe Policia Kombëtare shkuan në Kroaci për të bashkëpunuar për arrestimin e tij, pasi ekzistonte frika se një rrjedhje mund të kishte prishur të gjithë operacionin.
Osmani thuhet se ka kontakte në të gjithë Kroacinë dhe ka nën kontrollin e tij një ish shef të shërbimit sekret kroat si dhe agjentë aktualë.
Ai nuk bëri rezistencë ndaj arrestimit dhe sugjerohet se kishte parashikuar që avokatët e tij ta lironin.
Megjithatë, ai po mbahet në një burg të sigurisë maksimale, në pritje të transferimit në Majorkë.
Hetuesit thonë se është vendimtare që ai të sillet në Majorka.
Nëse ai do të qëndronte në Evropën Lindore, ai mund të merrte “trajtim preferencial”.
