Udhëtarët dhe ekujpazhi i një trageti të linjës Greqi-Itali u përfshi nga flakët në orët e para të mëngjesit të sotëm.
Në traget ndodheshin në total 288 persona, mes të cilëve 237 ishin pasagjerë dhe pjesa tjetër ekujpazhi.Ngjarja ka ndodhur rreth orës 04:30, kohë kur ka nisur edhe alarmi për përfshirjen e anijes në flakë.
Mediat greke raportojnë se nga bordi i tragetit janë evakuuar 242 persona, të cilët pritet të transferohen në Korfuz.
Sipas informacioneve, kapiteni i anijes bëri me dije se të gjithë pasagjerët janë në gjendje të mirë shëndetësore dhe janë mbledhur nga anijet lundruese, mjete lundruese të portit dhe rojet bregdetare italiane.
Vetëm një pasagjer ka probleme të frymëmarrjen. Sipas ERT, zjarri ka nisur nga kuverta e 3-të, ku ishin parkuar kamionët.
