Një i ri është arrestuar nga policia e Tiranës për veprat penale “Prodhimi dhe shitja e narkotikëve”, “Kundërshtimi i punonjësit të policisë së rendit publik”, “Kanosja për shkak të detyrës” dhe “Drejtimi i automjeteve në mënyrë të parregullt”.
Burime zyrtare nga blutë bënë me dije se I.K., 27 vjeç, është konstatuar nga shërbimet e Forcës së Posaçme “Shqiponja” duke drejtuar mjetin në mënyrë të parregullt. Gjatë kontrollit të automjetit, ka kundërshtuar dhe kanosur punonjësit e Policisë.
Gjatë kontrolleve në mjet dhe në banesën së tij, shërbimet e Policisë gjetën dhe sekuestruan në cilësinë e provës materiale sasi lënde të dyshuara narkotike të llojit kanabis dhe kokainë, shtuan të njëjtat burime.
