Kryeministri Edi Rama ka replikuar me qytetarët, në lidhje me aferën e inceneratorëve, duke mbrojtur atë që është cilësuar si skandali më i madh i dekadave të fundit..
Në rrjetin e tij social, Rama është kapur me qytetarët, duke dalë në mbrojtje të inceneratorëve. Rama thekson se të gjithë ata që vjedhin do të marrin dënimin e merituar pa asnjë dallim, por shton se nëse dikush ka marrë para kjo nuk hedh poshtë punën e kryer nga institucionet për të shëruar plagët mjedisore.
Qytetari: O njisho, shif mor burre se po ikin paratë tona, po zhduken pa lënë gjurmë neper keto te ashtequajtura incineratore …kush e shpiku ne Shqiperi kete menyre grabitje te parave tona …a e di ku eshte çudia me ju zoti kryeminister se ju njihni edhe hajdutin e xhepave dhe nuk njihni skemen e vjedhjes me kete stil mafioz.
Edi Rama: Ato te “ashtuquajtura inceneratore” jane impiante moderne trajtimi te mbetjeve, te cilat jane investime te medha per te shpetuar zona te tera te banuara nga plehrat, nderkohe qe ketu s’ka asnje shpikje per te grabitur parate e tua, po ka nje shpifesire politike shifrash marramendese e akuzat monstruoze, nderkohe qe gangrenat mjedisore te plehrave si puna e Sharres jane mbyllur dhe rete toksike te tymit nga djegia e tyre ne natyre jane zhdukur!
