Ministri i Jashtëm i Rusisë, Sergei Lavrov, pretendon se mercenarë nga Shqipëria, Kosova dhe Bosnje-Hercegovina janë dërguar në Donbas, krahinën e Ukrainës të ndarë mes qeverisë së Kievit dhe separatistëve të mbështetur nga Moska.
Sipas tij, Rusia ka informacione se mercenarë nga këto shtete janë dërguar atje.
“Në fillim të këtij muaji, inteligjenca në Donbass raportoi për praninë e mercenarëve britanikë dhe polakë që vepronin në afërsi të vijës së frontit në Ukrainën lindore. Rajoni u fut në një luftë civile në pranverën e vitit 2014, si pasojë e një grushti shteti të mbështetur nga SHBA dhe BE në Kiev. Rusia po kontrollon me kujdes informacionin që sugjeron se mercenarë janë duke u rekrutuar për dislokim në Donbass nga Republika e vetëshpallur e Kosovës, si dhe nga Shqipëria dhe Bosnja”, tha Lavrov, i cituar nga media shtetërore ruse “Sputnik”.
