Meridian Ramçaj, i ftuar në emisionin “Rrugëtim me Anilën”, u shpreh se mendimi i tij për fituesin e “Big Brother VIP” ka ndryshuar gjatë rrugës.
Meridiani tha se fillimisht ka mbështetur më shumë Donaldin, ndërsa më vonë është kthyer nga Iliri, i cili sipas tij e meriton fitoren.
Ish-banori nuk e kurseu një thumb për aktorin, teksa u shpreh se çmimi i madh nuk fitohet duke bërë presione apo duke marrë personazhe publike për mbështetje (referuar vizitave që ka pasur Donaldi nga personazhet e famshëm).
“Kur kam hyrë në shtëpi unë kam qenë një nga personat që kam mbështetur më së shumti Donaldin, por unë arrita ti shikoja brenda. Unë i vlerësoj konkurrentët nga ajo çfarë kanë bërë brenda shtëpisë dhe jo nga ajo që kanë bërë jashtë, por edhe nëse i vlerësojmë nga ajo që kanë bërë jashtë, asnjë nuk është më i arrirë se Iliri. Iliri është njeriu që ka debatuar me të gjithë. I kanë dalë të gjithë kundra dhe të gjithë janë “falur” sërish te ai. Ka qenë i drejtë, ka qenë i fortë, ka qenë i prerë. Ka pasur opinione për secilin dhe nuk ka ndryshuar. Për atë që ka dhënë për atë shtëpi, unë mendoj se do fitoj Iliri. Është bërë si fushatë, nuk fitohet ky format duke bërë telefonata me presione, apo duke marrë personazhe publike për mbështetje”, tha Meridiani.
