Deputeti i PD, Ervin salianji i ftuar në ‘Opinion’ ka deklaruar se ajo që po ndodh me incenertorët është një skemë e pastër mafioze, ku tre persona të ludhur me zyrtarë po i marrin shqiptarëve 430 milionë euro.
Salianji tha se edhe pse deri tani në Fier dhe në Tiranë nuk ka incenerator dhe ai i Elbasanit nuk punon, treshja Mirel Mërtiri, Stela Gugallia dhe Klodian Zoto, i kanë marrë shtetit shqiptar 101 milionë euro.
‘Deri tani janë dhënë 101 milionë euro për inceneratorët të marrë nga 3 persona. Inceneratori i Elbasanit ka marrë 27.2 milionë euro, i Fierit 31 milionë euro, 35.7 milionë euro. Sot nuk ke inceneratorë në Fier, nuk ke në Tiranë, në Elbasan nuk ka se nuk punon apo jo’, tha Salianji.
