Gjykata Kushtetuese deklaroi një ditë më parë se asnjë nga argumentet e përdorura nga Kuvendi për të shkarkuar presidentin nuk përbën shkelje të rënda të Kushtetutës.
Juristi Ledio Braho në një lidhje skype në studion e lajmeve në MCN Live lidhur me këtë vendim të gjykatës Kushtetuese deklaroi se ajo ka dalë në këtë përfundim duke mos pranuar argumentet e shkeljeve.
Teksa theksoi se gjuha e Ilir Metës në rolin e Presidentit ishte jo e pranueshme, ai argumentoi se ndoshta kjo ka ardhur edhe si rezultat i situatës në të cilin ndodhej në atë kohë vendi ku mund të konsiderohej si pa opozitë.
Ai shtoi më tej se gjykata kushtetuese vendosi një standard dhe se presidenti nuk mund të shkarkohet për deklarata publike.
Unë gjatë gjithë kohës kam mbajtur një linjë arsyetimi me atë të Gjykatës Kushtetqëuese, që do rrëzohej kjo vendimmarrje e kuvendit dhe do konfirmohej në detyrë presidenti. Gjykata ka përcaktuar elementët e shkeljes së rëndë, por normalisht pasi bën analizën e cila do bëhet pas zbardhjen së vendimit të plotë dalim në përfundimin se asnjë nga qëndrimet e ngritura nga kuvendi nuk qëndrojnë dhe për aq kohë sa nuk qëndrojnë duhet të shfuqizohet vendimmarrja dhe presidenti të vijojë punën deri në fund të mandatit.
Të gjithë mund ta gjykojmë presidentit, por duhet bërë një dallim mes presidentit dhe Metës. Mendoj se gjykata kushtetuese mes dyzimeve që ka pasur ndaj deklaratave të Metës ka vendosur të mbajë standardin që një president mos të shkarkohet mbi bazën e deklaratave. Pasi të zbardhet tërë vendimi duhet ët analizohet qëndrimi i gjykatës kushtetuese, por përfundimi është se nuk ka shkelje të rënda dhe standardi është se po u vendos njëherë të mos cenohet më dhe pavarësisht deklaratave me sfurqe të presidentit nuk është e mundur që ai të shkarkohej për të tilla deklarata.
Gjuha e Ilir Metës si president mund të ketë qenë jo e pranueshme si president, por ajo ka ndodhur në një çast kur vendi ishte pa opozitë. Po ashtu konfliktet kryesore ku është përfshirë presidenti kishin lindur për shkak të tentativa për të kapur sistemet e drejtësisë, dhe e gjitha kjo solli një kontekst ku presidenti mbeti si i vetmi institucion që mund të përfaqësonte opozitën. Në një rast tjetër nëse flasim për një parlament tjetër patjetër që do nevojiten veprime të tjera dhe jo deklarata për të shkarkuar një president. /MCN Tv/
