Zbulihet se cili është gjyqtari i Gjykatës Kushtetuese që ka votuar pro shkarkimit të Ilir Metës nga posti i Presidentit.
Gjashtë gjyqtarë kanë votuar pro shfuqizimit të kërkesës së Kuvendit për shkarkim e Presidentin e Republikës, Ilir Meta.
I vetmi që ka qenë pro shkarkimit ka qenë gjyqtari Altin Binaj.
Votimi i gjyqtarëve
1- Vitore Tusha kundër shkarkimit
2- Elsa Toska kundër shkarkimit
3-Marsida Xhaferllari kundër shkarkimit
4- Fiona Papajorgji kundër shkarkimit
5- Përparim Kalo, kundër shkarkimit
6- Sonila Bejtja kundër shkarkimit
7- Altin Binaj Pro shkarkimit
Vendimi
Brenda afateve të përcaktuara, Gjykata Kushtetuese publikoi të mërkurën vendimin i cili shfuqizon votimin e Kuvendit për shkarkiminin e kreut të shtetit.
Në njoftimin e saj, Gjykata Kushtetuese bën me dije se pasi verifikoi procedurën e ndjekur nga Kuvendi për ngritjen e komisionit hetimor, garantimin e së drejtës së Presidentit për t`u dëgjuar dhe për t`u mbrojtur, si dhe duke mbajtur në konsideratë pavarësinë organizative të Kuvendit, në tërësi konstatoi se nuk ka pasur shkelje kushtetuese gjatë kësaj procedure.
Në lidhje me shkaqet për të cilat Kuvendi ka vendosur shkarkimin e Presidentit, Gjykata Kushtetuese, arriti në përfundimin se Faktet e paraqitura nuk përbëjnë shkelje të rënda të Kushtetutës.
Po ashtu Kushtetuesja thekson se nuk ka shkelje të rëndë të Kushtetutës, pasi faktet që lidhen me të drejtat në procesin zgjedhor nuk përbëjnë shkelje të rënda të Kushtetutës. Faktet që lidhen me marrëdhëniet me partnerët strategjikë nuk përbëjnë shkelje të Kushtetutës. Faktet e paraqitura si shkelje që lidhen me pavarësinë e organeve publike nuk përbëjnë shkelje të Kushtetutës. Faktet e paraqitura si shkelje të rendit dhe sigurisë publike nuk përbëjnë shkelje të Kushtetutës. Faktet e paraqitura si shkelje të nenit 94 të Kushtetutës nuk përbëjnë shkelje të Kushtetutës.
Gjykata në përfundim nënvizon se vendimi përfundimtar do të shpallet i arsyetuar brenda afateve ligjore të parashikuara nga ligji për organizimin dhe funksionimin e Gjykatës Kushtetuese të Republikës së Shqipërisë, si dhe nga Rregullorja për procedurat gjyqësore të Gjykatës Kushtetuese.
