Kryetarja e LSI-së, Monika Kryemadhi ka thënë se nuk është e nevojshme Komisioni Hetimor për Inceneratorët pasi në rast se SPAK-u dëshiron të zbardhë aferim duhet të gjurmojë paratë dhe aty sipas saj zbulon ministrat e korruptuar.
Në dalje të Kuvendit, Monika deklaroi para gazetarëve se vendimin për Ilir Metën e priste që në muajin mars. Ndër të tjera ajo tha se vendimi i Gjykatës Kushtetuese i dha fund thashethemeve se Meta është në një koalicion me Bashën. Po ashtu, Kryemadhi e shikon të ardhmen e Metës më tej se LSI.
“Duke pasur parasysh që është e thjeshtë për të çuar deri në fund hetimin për inceneratorët, gjithë ky investim administrativ dhe propagandë nga Komisioni Hetimor do të ishte më mirë për të ndihmuar SPAK-un që të ecet më shpejt. Eskursionet për të treguar se Inceneratorët janë në vend, nuk janë asgjë tjetër vetëm mbulesë e fakteve dhe kallëzimeve që ka bërë LSI-ja në Fier, Elbasan dhe Tiranë. Këto që po bën Komisioni Hetimor janë fasada për të mbuluar Erion Veliajn, firma ka ndryshuar faktin duke nxjerrë jashtë loje këshillin bashkiak. Veliaj nuk ftoi këshilltarët e mazhorancës dhe opozitës për një koncesion që kushtonte mbi 130 milionë euro”, tha Kryemadhi.
E pyetur nëse ka kërkuar të bëhet pjesë e Komisionit Hetimor, Kryemadhi tha se “ne kemi kërkuar por Vasili nuk është pranuar nga PD është vendosur veto”.
“Edhe unë kam kërkuar që të dëshmoj për materialet që kam dhe të zbardhet politikisht të nxitojmë sa më shpejt, Kjo është një skemë piramidale dhe një skemë e grupi të strukturuar kriminale. Përgjegjësia nuk është individuale por e kryeministrit shqiptar dhe qeverisë.
Nëse do të mbulosh një çështje ngri një Komision Hetimor. Unë nuk dua të jem pjesë e lojës politike të Edi Ramës për të larguar vëmendjen nga ajo që ndodhet tani situata e aferës. Komisioni Hetimor duhet t’i drejtohet drejtorisë së tatimeve për të gjurmuar paranë dhe aty e kupton ku kanë shkuar paratë”, tha ajo.
