Leidon Shapo, ekspert i Shëndetit Pubik në Londër ka folur në lidhje me situatën pandemike, në një intervistë për Faxnews.
Ai tha se masat duhet të jenë ende në fuqi pasi ekziston mundësia nga riinfektimi me Omicron.
Po ashtu ai shtoi se vaksinat mbrojnë teksa tha se po mendohet për një vaksinë të përbashkët kundër gripit të zakonshëm dhe kundër Omicron dhe nënvarianteve të tij.
Pyetje: Si paraqitet situata në Angli?
Shapo: Situata është e përmirësuar në kohët e fundit, pasi ka një rënie të rasteve. Duke parë trendin e rasteve nga plani B u kalua në planin A, në lehtësimin e masave. Tani që flasim rastet kanë rënë edhe më shumë. 42 mijë raste kur më 15 janar kanë qenë 70 mijë raste. Këto së bashku me indikatorët e tjerë padyshim e bëjnë situatën aq pozitive sa qeveria po mendon planin për të hequr cdo lloj mase edhe atë të izolimit 5 ditor, të hiqet edhe kjo. Do mblidhet parlamenti për të parë nëse kjo është barriera e fundit. Eshtë një masë që na duhet ende.
Pyetje: Pse duhet ende?
Shapo: Omicroni ka transmetueshmeri të larte. Ajo që po shikojmë është se Omicron nuk është si gripi i zakonshëm. Njerëzit kanë nevojë të qëndrojnë në shtëpi për të mos infektuar të tjerët.
Pyetje: Masat e Anglisë, duhet të ndiqen edhe në vende të tjera?
Shapo: Vendet e ndryshme kanë politika të ndryshme. Disa vende kanë një nivel 70% të vaksinimit. Britania e Madhe ka shifra të tjera. Ka një diferencë me dozat përforcuese. Riinfektimet me Omicron po ndodhin shumë më shpësh, nuk jëmi të sigurt se si do përballemi me kalimin e kohës. Të dhënat na tregojnë shumë. Njerëzit e infektuar nuk mund të shkojnë në punë. Kanë nëvojë për një qëndrim 5 ditor në shtëpi.
Pyetje: Pas sa kohësh mund të riinfektohesh me Omicron?
Shapo: Nuk është shkencë ekzakte. Duhet të kemi kujdes ndaj personave me probleme. Omicron nëse na prek, nuk ndodh menjëherë. Shifrat tregojnë se dikush pasi është vaksinuar, mund të preket pas 4-6 javëve me Omicron. Nuk është e kollajtë të dallohet nëse është Omicron apo grip sezonal. Niveli i infektimeve në Britani është rritur ndjeshëm. Ia ka kaluar periudhës 16-17 mujore të situatës pandemike. Vaksina mbrojnë. Riinfektimet ndodhin.
Pyetje: A mund të shkojmë drejt dozës së 4 të vaksinës?
Shapo: Izraeli na jep shembullin konkret. Ajo që u pa është se niveli i mbrojtes nuk ishte ai i pritshmi. Kjo edhe për shkak të variantit Omicron. Ka një rënie të përgjigjes imunitare dhe lëvizja me dozën e katërt duhet të jetë shumë fitimprurëse. Duhet t’i japim këto doza kur duhet. Duhet të caktohet se kur duhet të aplikohet doza e katërt. Duhet të presim dimrin tjetër për të aplikuar vaksina akoma më efikase. Ka studime për kombinimin e vaksinës kundër gripit dhe kundër koronavirusit.
Pyetje: Po shkojmë drejt një vaksine normale gripi?
Shapo: Jo ne e kemi një të tillë. Po mendohet një vaksinë e përbashkët në lidhje edhe me nën variantet e Omicron që kanë transmetueshmëri të lartë. Që duan të infektojnë grupe të mëdha.
