Gledian Llatja, kryebashkiak i Elbasanit, ka pohuar në Komisionin Hetimor Parlamentar, se prej 45 ditësh, inceneratori i Elbasanit nuk punon.
Ai tha se shkak për mbylljen e punës së inceneratorit është bërë mungesa e disa lëndëve bazë të domosdoshme të cilat duhen blerë çdo dy ditë.
“Menaxhuesve të inceneratorit, që janë caktuar nga SPAK dhe GJKKO, i është kërkuar që të çelin procedurat e tenderit për blerjen e këtyre materialeve të domosdoshme. Por prej 45 ditësh ky incenerator nuk punon prej rreth 45 ditësh”, tha Llatja.
I pyetur lidhur me energjinë që do të prodhohet nga inceneratori, Llatja tha se presim vendimin e ERE-s lidhur me çmimin që do të ketë kjo energji, kur të hyjë në rrjet.
“Ne momentalisht, si Bashki, shpenzojmë rreth 1 mln dollarë për ndriçmin e hapësirave të bashkisë në 1 vit, dhe kupthet se nëse do na njihet edhe kjo energji që do prodhohet nga inceneratori, ne si Bashki do të fitojmë, por kjo varet nga çmimi që do vendoset”, tha Llatja.
