Ish-Kryeministri Sali Berisha u shpreh nga Shkodra se Lulzim Basha nuk u bë asnjëherë lider apo udhëheqës, ndaj edhe humbi zgjedhjet dy herë rradhazi.
Berisha tha se Basha ka demostruar disa aspekte që janë shumë të papranueshme për një politikan.
“Fatkeqësi është që ju qëndruat fort si opozitë, por opozita nuk pati lider. Dhe po nuk ishte lider nuk mund të fitosh”, tha Berisha.
Sipas tij, ndaj zgjedhjet e 6 marsit janë të rëndësishme, për ti dhënë një mesazh të qartë Qeverisë se shqiptarët nuk e duan.
Berisha shprehu bindjen se opozita do të ringrihet më e fortë se kurrë dhe prioritet i saj pas 6 marsit do të jetë rrëzimi i Qeverisë.
“Me 6 mars duhet të votoni logon e “Shtëpisë së Lirisë”, pasi çdo votë për opozitën false të Lulzim Bashës, është votë për Edi Ramën. Basha na mori logon me policinë dhe gjykatat e Edi Ramës, ndaj dhe ne me 6 mars përballemi me një qeveri që nuk njeh votën e lirë, por edhe me opozitën false të Bashës”, tha Berisha.
