Një i ri është arrestuar nga policia e Tiranës, pasi akuzohet se shpërndante drogë në kryeqytet,
Policia njoftoi këtë të Martë se në pranga u vu Leonardo Zela, 23 vjeç, për veprën penale “Prodhimi dhe shitja e narkotikëve”.
Sipas bluve, ai shpërndante lëndë narkotike në zonën e ish-Parkut.
Policia sqaroi se gjatë kontrollit të banesës së tij, u gjetën dhe sekuestruan në cilësinë e provës materiale sasi lënde të dyshuar narkotike të llojit kanabis sativa, e ndarë në doza gati për shitje, 4 kavanozë qelqi me lëndë të dyshuar narkotike kanabis sativa, një peshore elektronike, një përforcues grushti, sasi farash të dyshuara narkotike kanabis sativa dhe shumat 11.150 euro dhe 11.000 paund.
