Në emisionin “Të Paekspozuarit” në MCN TV, ka qenë i ftuar Ardian Muka, kandidati i koalicionit “Shtëpia e Lirisë”.
I pyetur nga Ylli Rakipi, lidhur me faktin se ai drejton kompani betoni, Muka tha se është krenar për aktivitetin e tij.
Pjesë nga biseda:
Ylli Rakipi: Vangjush Dakon e kanë sulmuar shumë prej kompanive të betonit, quhej Gjush Betoni. Edhe ju keni qenë ortak në kompani betoni?
Ardian Muka: Jam aksioner në të dyja këto ndërmarrje.
Ylli Rakipi: Nuk është krim kjo punë jo.
Ardian Muka: E kam për nder, sepse u kam dhënë mundësi familjeve durrsake të mbajnë familjet me punë të ndershme. Janë dy kompani të parat të certifikuara ISO. Janë krijuar që nga viti 2003 dhe merrem me prodhime betoni. Kompanitë e mia nuk kanë përfituar asnjë tender publik, ndryshe nga konkurentët e mi. Unë vij nga biznesi dhe në Durrës më njohin të gjithë.
