Ylli Manjani, ish-ministër i Drejtësisë, ka ironizuar pyetësorët e qeverisë, në atë që konsiderohet nga Kryeministri Edi Rama, si këshilli kombëtar.
Manjani në një postim në rrjetin social shkruan “po ndonjë pyetje për paret që paguhen nga Bashkia Tiranë për djegie mbetjesh, kur djegësi mungon, ka ai formulari i Ed Ramës?”
“Jo për gjë po desha ta informoj duke iu përgjigjur një pyetje të tillë. Se mos thotë pastaj që “e paska bërë Erioni me kokë të vet. Unë sdi gjë”!!!
Mbi të gjitha, mbase ndërhynte të ndaloheshin këto pagesa, se po paguajmë për një shërbim që NUK e MARRIM!
Dhe po e paguajmë shtrenjtë, shumë shtrenjtë!!!”, shkruan Manjani.
Në fund të postimit të tij, ish-ministri nuk le pa thumbuar as SPAK-un.
“Më shumë shpresë kemi te formulari i qeverisë se te SPAKU i drejtësisë…”, shkruan Manjani.
