Humbja e fundit e Juventusit në Serinë A përkon në Nëntor dhe ishte Atalanta që e mposhti dhe sërish sot zikaltërit ishin shumë pranë një tjetër fitoreje ndaj Vlahoviç me shokë por ne fund bardhezinjtë largohen me një pike.
Në Bergamo, Gjimshiti ishte titullar i padiskutueshëm dhe ndër më të mirët edhe pse u ndëshkua me karton të verdhë teksa polemikat nuk do të mungojnë dhe për një ndërhyrje ndaj portierit polak të Juves ku nuk u ndëshkua me të kuq.
Gjithsesi pjesa e parë ishte shumë e luftuar dhe me emocione por golat ishin rezervuar për në pjesën e dytë.
Në minutën e 76’, Malinovski lëshon një predhë nga një goditje dënimi që mahnit të gjithë dhe i jep avantazhin Atalantës.
Juventusi hidhet i gjithi në sulm dhe vetëm në 92’ me golin e brazilianit Danilo i shpëton humbjes në Bergamo duke u larguar me një pike.
