Bledar Dervishaj, këshilltar ligjor pranë Presidentit, ka paralajmëruar se pas 3 muajsh Kushtetuta mund të ndryshohet sërisht.
Më 10 shkurt, deputetët e PS dhe ata që mbështesin Lulzim Bashën, votuan pro zgjatjes së afatit të organeve të vetting, më konkretisht anëtarëve të KPK, mandati i të cilëve përfundonte në qershor 2022.
Por Dervishaj në një postim në rrjetet sociale shkruan se një tjetër problem i madh lidhur me vet organet vetting ngelet pa zgjidhje.
“Habitem përse nuk është përfshirë në tryezë për diskutim!!!!!
Në Kushtetutë dhe Ligjin nr.84/2016 e Vettingut, nuk ka asnjë parashikim ligjor se si do të plotësohen vendet bosh që krijohen në këto organe (KPA).
Fakt është që Kolegji i Posaçëm i Apelimit sot ka dy vende bosh ( një i shkarkuar tjetri i pezulluar)
Pra nga 7 anëtar, ata sot janë 5 anëtar.
Po ky fakt, nuk është hall për Kuvendin?
Nëse i zgjasim mandatin një organi si KPK, përse tjetri duhet të rrijë i mbingarkuar me vakanca të paplotësuara, sepse nuk ka bazë kushtetuese dhe logjore????
Po ky problem i krijuar kur do diskutohet?, kur do të zgjidhet?, pse nuk diskutohen njëherazi gjithë nevojat për ndryshime në këtë çështje?!
Apo pas 3 muajsh do dalë një ekspert që do na bëjë një faqe raport dhe do na thotë se mungon mekanizmi ligjor dhe pastaj do ndryshojmë prapë Kushtetutën!!!”, shkruan në rrjetet sociale Dervishaj.
