Vllaznia fiton me Teutën në një ndeshje që ja bëri shumë të vështirë vetes suksesin. Në “Loro Boriçi”, kuqeblutë e Brdariç arrijnë të fitojnë një ndeshje plot me gola dhe emocione me rezultatin 4-2 ndaj kampionëve në fuqi të Teutës.
Vendasit janë si një furi përpara tifozëve teksa në pak a shumë 16 minuta lojë duket sikur mbyllin ndeshjen me tri gola të shpejte të shënuar.
Që në 1’ ishte Latifi që realizoi i pari e më pas Diagne në 7’ dhe sërish në 16’ Latifi shënon dygolëshin personal. 3-0 dhe duket se Vllaznia relaksohet duke menduar se fiton ndeshjen ndersa Teuta hap lojën menjëherë në 18’ me Hebaj dhe në 41’ me Lorenzo Vilën e çon ndeshjen në 3-2.
Një spektakël më vete në 45 minuta me 5 gola të shënuar ndërsa në fraksioin e dytë skuadrat bëjnë autokritikë dhe janë më të kujdesshme.
Gjithsesi duke sulmuar më shumë, Vllaznia gjen dhe golin e avantazhit në 62’ me Jonuzin që vendos dhe fatin e ndeshjes me rezultatin final 4-2.
Klasifikimi:
