Kryeministri Edi Rama ka replikuar me qytetarët në lidhje me shembjet e banesave në zonën e “5 Majit në Tiranë.
Rama shprehet se banorët e kësaj zone, që i janë shembur shtëpitë do marrin bonusin e qirasë dhe më pas do të përfitojnë metër për metër aq pronë sa kanë pasur.
“Nese e keni fjalen per tek 5 Maji, atëhere jo, nuk ka asnjë kontrate fallso, do merrni bonusin e qerasë dhe më pas do merrni metër për metër aq sa keni pasur, në kushte njëqind herë më të mira, në një lagje të re, me infrastrukturë e me shërbime optimale, prandaj durim dhe besim, sepse po të ishim nga ata që i lemë njerëzit rrugëve, sot do ishin akoma rrugëve mijëra familje që u preken nga termeti, po siç e keni parë po kthehen dita-ditës në shtëpi të reja! Koha shumë shpejt do t’i provojë të gjitha këto”, shkruan Rama.
Në një tjetër koment Rama thekson se këta banorë do e marrin pronën e tyre në lagjen e re që po ndërtohet. Ai thotë se nuk do lejojnë askënd të vonojë ndërtimin e kompleksit pasi ka shumë familje të tjera që meritojnë një shtëpi, pasi ua shkatërroi tërmeti.
“Ata që i kanë shtëpitë jo sic them une po sic janë, pa leje, do të marrin metër për metër aq sa kanë, me ndërtimin e lagjes së re, po lagjen e re do ta ndërtojmë dhe për këtë nuk do lejojmë askënd të vonojë punën, sepse ka shumë familje që nuk kanë zaptuar kurrë një metër tokë e meritojne ta kenë edhe ato një shtëpi, pasi ua shkatërroi tërmeti! Dhe e gjitha kjo bëhet në zbatim të përpiktë të ligjit!”, shkruan Rama.
