Presidenti Ilir Meta, në një intervistë në Tv Apollon, tha se Kryeministri Edi Rama, Lulzim Basha dhe ndërkombëtarët do të dëshpërohen në fund, pasi kanë planifikuar të asgjesojnë demokracinë në Shqipëri, duke varrosur pluralizmin.
Meta tha se i qëndron deklaratës së bërë pak ditë më parë kur duke iu drejtuar ndërkombëtarëve, rilindasve blu apo mavi, u shpreh “jam Ilir Meta unë o superbudallenj”.
“Ata do të dëshpërohen dhe do të përgjigjen për super korrupsionin e tyre.
Shikojeni koncesionet, shikoni sa ka vajtur 1 kilometër rrugë e re, apo autostradë, është 6 herë më shtrenjtë, se sa në Serbi.
Shikoni ndërkohë pagat se ku kanë ngelur, më të ulëtat në rajon! Shikoni çmimet se ku kanë vajtur, jo po çmimet janë në të gjithë botën. Shikoni çmimet sa janë në Maqedoni dhe në Serbi! Nuk kanë asnjë lidhje.
Kjo ka lidhje vetëm me super korrupsionin, që është zhvilluar këtu. Me përqendrimin e pushtetit në pak duar dhe njëkohësisht, përqendrimin e ekonomisë në shumë pak duar”, tha Meta.
Pyetje: ‘Jam Ilir Meta, o super budallenj’,….
Presidenti Meta: Po sigurisht!
Pyetje: Është kërcënim i i Presidentit të Republikës për ndërkombëtarët, për Ramën, Bashën? Do dëshpëroheni pafund, keni thënë.
Presidenti Meta: Ata do të dëshpërohen sepse gjithë planifikimi i tyre për të asgjësuar demokracinë në Shqipëri, për të varrosur faktikisht pluralizmin politik, për të frikësuar të gjithë qytetarët shqiptarë dhe për të përzënë nga vendi, gjithë forcat më të reja, forcat më të kualifikuara, të gjithë ata që kërkojnë të drejtat e tyre dhe të jetojnë në një sistem meritokratik. Kjo do të dështojë në mënyrë të padiskutueshme.
Prandaj dhe ata do të dëshpërohen dhe do të përgjigjen për super korrupsionin e tyre.
Shikojeni koncesionet, shikoni sa ka vajtur 1 kilometër rrugë e re, apo autostradë, është 6 herë më shtrenjtë, se sa në Serbi.
Shikoni ndërkohë pagat se ku kanë ngelur, më të ulëtat në rajon! Shikoni çmimet se ku kanë vajtur, jo po çmimet janë në të gjithë botën. Shikoni çmimet sa janë në Maqedoni dhe në Serbi! Nuk kanë asnjë lidhje.
Kjo ka lidhje vetëm me super korrupsionin, që është zhvilluar këtu. Me përqendrimin e pushtetit në pak duar dhe njëkohësisht, përqendrimin e ekonomisë në shumë pak duar.
Dhe kjo ka sjellë këtë gjendje kaq të rëndë! Shiko sa e përkrahim ne bujqësinë, 30 euro për hektar, 180 euro për hektar e ka Kosova, 6 herë më shumë, mbi 200 e ka Maqedonia.
