Vllaznia do të luajë nesër sfidën e javës së ndaj Teutës. Ndeshja do të zhvillohet në stadiumin “Loro Boriçi” e do të nisë në orën 16:45, me të dyja skuadrat që kërkojnë fitoren për të larguar krizën e rezultateve. Shkodranët vijnë në këtë ndeshje pas humbjes në Laç, por janë kualifikuar në gjysmëfinalen e Kupës dhe do të kërkojnë që të rikthehen te fitoret edhe në kampionat.
Trajneri Brdaric la pushim disa titullarë në Kupë në mënyrë që të jenë në formë për këtë takim dhe në fushë do të zbresë e gjithë “artileria e rëndë” që shkodranët kanë në dispozicion. Në mbrojtje do të rikthehet dyshja, Adili-Diagne, nga krahët Hakaj dhe Gurishta, ndërsa në mesfushë, Krymi, Jonuzi dhe Mustedanagic. Në sulm, Da Silva dhe Latifi do të mbështesin Gjurgjevic që për momentin duket më i avantazhuar se Aralica.
