Një grua shtatzënë në Pakistan përdori një metodë të pabesueshme për të lindur djalin e saj të katërt pas tre vajzave.
Mësohet se gruaja nënë e tre vajzave dhe në pritje të një vajze tjetër, pasi mësoi se gjininë e bebes së saj, iu drejtua një metode të pabesueshme, pasi herë pas here kërcënohej nga i shoqi pasi nuk lindte djalë.
Gruaja, identiteti i së cilës nuk bëhet i ditur, e gjeti veten pranë një “sheruesi” pas kërcënimeve të të shoqit. I ashtuquajturi shërues i tha gruas se për të pasur një djalë, ajo duhej të ngulte një gozhdë në kokën e saj. Gozhda iu ngul me çekan në kokë.
Por situata doli jashtë kontrollit dhe shëndeti i saj u përkeqësua.
Në fillim ajo i tha mjekëve të spitalit ku u dërgua se e kishte ngulur vetë gozhdën, por më pas tregoi të vërtetën.
Ajo kishte një gozhdë 5 centimetra në kokë, gjë e cila tronditi dhe mjekët.
Mjeku Haider Khan shpjegoi se gruaja shtatzënë u përpoq të hiqte gozhdën nga koka me pincë, por përfundoi në spital.
“Ajo ishte plotësisht e vetëdijshme kur arriti këtu, por kishte shumë dhimbje. Për fat të mirë nuk i ka prekur trurin”, tha mjeku.
Ajo u shtrua në Spitalin Lady Reading në qytetin Peshawar.
