Lulzim Basha dhe deputetët që e mbështesin atë do të bashkojnë votat në Kuvendin e Shqipërisë për të miratuar ndryshimin Kushtetues të propozuar nga socialistët për zgjatjen e afateve të Komisioneve të Vetting.
E ndërsa Basha foli për parimet dhe u shpreh se vota nuk është pro Edi Ramës, por për të vijuar reformën në drejtësi, si rrugën e vetme për integrimin në BE, pavarësisht problemeve të vërejtura, duket se miratimi i këtij ndryshimi Kushtetues ka shërbyer si një pazar politik.
Kjo për faktin se sot Basha u shpreh optimist për ngritjen e dy komisioneve për reformën territoriale dhe atë zgjedhore, të cilat ai i konsideroi si prioritete kombëtare.
Në këtë kuadër, Basha tha se sot nis puna për dy reforma të rendësishmë dhë qe janë prioritet për Shqipëerinë dhe demokracinë prioritete per PD, Reformen Zgjedhore dhe atë Territoriale.
Ndër të tjera, kryedemokrati tha se zgjedhjet e lira dhe të ndërshme janë prioriteti i PD-së.
“Ne duhet të bëjmë gjithçka, të konsultohemi me ekspertët më të mirë vendas dhe të huaj, në mënyrë që të ndërtojmë mekanizmat e duhur për të garantuar që vullneti i zgjedhësvë të mos deformohet, si deri më sot nga shitblerja e votës, bashkëpunimi me krimin dhe përdorimi administratës dhe fondeve publike”, tha Basha.
“Prioritet i yni ështe Reforma Terrritoriale. Grupi i punës sëbashku me deputet do të nisin një tur konsultimesh në të gjithë vendin, për një ndarje të drejtë administrative, për të fuqizuar pushtetin vendor dhe për të ofruar shërbime publike me cilësi të mire”, tha ai.
Gjatë fjalës së tij, kryedemokrati tha se PD ka patur që prej ditës së parë një qasje pro Reformës në Drejtësi.
Megjithatë sipas tij, kanë qenë ndërhyrjet e maxhorancës për ta vënë Reformën nën shërbimin e saj që kanë rritur skepticizmin dhe kanë sjellë pasojat që po shihen sot.
“PD e vendosur për të ndërmarrë çdo vendim që do të mundësonte funksionim më të mirë të drejtesisë dhe dhënien fund të pandëshkueshmërisë. Sot Shqiperia është vendi më i korruptuar i Europës dhe maja e korrupsionit është në qeveri. Pa një drejtësi të fortë, të pastër dhe të pavarur Shqipëria nuk do të ketë progres ekonomik dhe as në rrugen drejt intëgrimit”, tha Basha.
