Replika këtë Enjte në Kuvend mes ministrit të Drejtësisë Ulsi Manja dhe Lulzim Bashës.
“…Zoti basha po je ti i gatshëm para drejtësisë si unë në mënyrë permanente je ok, unë si shmangem drejtësisë as me proceduara as me mandate shëndetësor, as i shmanget thirrjeve të prokurorëve jashtë vendit”, tha Manja.
Në replikë, Basha tha se Manja duhet dënuar për dosjen 184. Ai bëri një paralelizëm me ish-ministrin e Brendshëm Saimir Tahiri.
“Kujtohu pak për ish-kolegun tënd, ministrin e Brendshëm dhe kapardisjen e tij majë më majë, rrugë më rrugë, shesh më shesh madje edhe rrugëve të botës. Edhe mendohu mirë Ulsi Manja se për momentin mund të duket vetja i përkëdhelur, i mbrojtur, por harroje ti dhe këtë po ta them në emër të çdo qytetari të Dibrës, edhe të socialistëve të Dibrës që i keni marrë e trajtoni atje në mënyrën më çnjerëzore se nuk të vijë dita që do të japësh llogari edhe ti me pjesën tjetër të bandës së strukturuar kriminale të Dosjes 184”, tha Basha.
Pas Bashës, fjalën e mori sërish Manja i cili tha “le ta lëmë drejtësinë të flasë”. “Këtu jam unë këtu je ti, këtu do jemi të gjithë”, shtoi ai.
