Lajmi se produksioni i “Big Brother VIP” ka dashur që Donaldi ti shkruajë një letër Bora Zemanit dhe më pas ta lexonte gjatë spektaklit ka qarkulluar pothuajse në çdo media online.
Sipas këtyre mediave, aktorja Egla Ceno zbuloi se “producentët e Big Brother VIP kanë qenë në një dilemë të madhe për vijimësinë e programit. Është tentuar që Donaldi t’i shkruante një letër Bora Zemanit, në formë paqeje, dhe e gjitha të transmetohej live.
Madje, për ta bërë edhe më të bukur situatën, në studio mbrëmë ishin ftuar Beatrix dhe Semi, pra e dashura dhe shoqja e Donaldit, e cila mban anën e Bora Zemanit.
Pritej që me këta personazhe të krijohej spektakël, por problemi është se e gjithë nata më pas do të kthehej në një “mbrëmje Donald”, meqë atij i dërgoi vëllai një mesazh me një ofertë pune.
Kjo do të shtonte shumë zëra, se Big Brother e mban me hatër Donaldin, çka ka bërë që letra e shkruaj prej tij të shtyhej për më tej ose të anulohej. Ndoshta Bora Zemani mund të ketë bërë gjithashtu një përpjekje për të mos u përfshirë më në bisedat e Big Brother.”
Pas gjithë kësaj rrëmuje në rrjet ka ardhur edhe reagimi i parë i aktores e cila e ka përgënjeshtruar këtë lajm që po qarkullon gjithandej.
“Të hapërsh telefonin në mëngjes dhe të gjesh emrin të lakuar nëpër lajme që as kanë të bëjnë me ty, të krijon një lloj sikleti. Nuk na është bërë lëkura shollë të gjithëve në këtë vend.
Marr përgjegjësi për çfarë po them: Unë nuk kam asnjë lidhje me produksionin e Big Brother dhe as fantazira në lidhje me këtë produksion. Fantazia ime më shërben për gjëra që kanë të bëjnë me jetën dhe profesionin tim.
Kuptoj që gazetarët që shkruajnë shpesh nuk kanë kohë që të vërtetojnë burimin e lajmit dhe nuk i bëj me faj, por nuk mund të “mbllaçisni” çdo lloj emri që ju bie në gojë “çuna” dhe “goca” të dashur.
Nëse doni një mendim, jam e gatshme t’ua jap me gojën time. Jam e detyruar të përgënjeshtroj këtë lajm idiot, sepse nuk ka asnjë lloj lidhje me mua. Fundja është një lajm pa stil, pa kokë e pa bisht dhe nuk është në stilin tim të jem kaq banale.
Unë e kam ndjekur Big Brother si spektatore kur kam patur mundësi dhe dëshirë ta ndjek, si të gjithë. Nuk jam opinioniste e produksionit të Big Brother!
Kultura e punës dhe etika nuk do më lejonte kurrë të shprehja një mendim të formuluar në një mënyrë kaq anadollake. Keqardhje për atë që e ka shkruar.”- shkruan aktorja.
